Campamentos de verán na natureza

Un verán para xogar, descubrir e medrar

Senlleira nace da necesidade de que existan alternativas lúdicas de calidade dirixidas á infancia: propostas que parten dun acompañamento profesional e respectuoso, onde os nenos e nenas son protagonistas do seu propio proceso de aprendizaxe mentres disfrutan do tempo de lecer descubrindo propostas diferenciadoras, xogo e movemento libre.

Ofrecemos un espazo exterior de máis de 4000 m², cheo de árbores, con horta, areeiro e zonas de xogo que fan del un lugar máxico. Para os días nos que a choiva ou o frío chamen á porta, contamos cun acolledor espazo interior pensado para seguir creando, xogando e gozando do día.

Os campamentos de Senlleira ofrecen

Xogo libre nunha contorna natural
Conexión coa natureza
Acompañamento respectuoso
Grupos reducidos con idades mesturadas
Diversas propostas pedagóxicas cada semana
Profesionais con anos de experiencia en docencia

Planning

Nove semanas, do 29 de xuño ao 28 de agosto. Podes escoller as que mellor vos encaixen; non teñen que ser consecutivas.

Xuño – Xullo	Semana 1	Do 29 ao 3
	Semana 2	Do 6 ao 10
	Semana 3	Do 13 ao 17
	Semana 4	Do 20 ao 24
	Semana 5	Do 27 ao 31
Agosto	Semana 6	Do 3 ao 7
	Semana 7	Do 10 ao 14
	Semana 8	Do 17 ao 21
	Semana 9	Do 24 ao 28

Actividades pedagóxicas

Deseñamos cada semana de campamento en base a catro eixes.

Expresión creativa Fluír coa imaxinación
Acuarela, expresión corporal, collages naturais, creación de historias, teatro…
Sostibilidade Sementando futuro
Horta, xabóns, scrapbooking, tinguido de tecidos naturais, papel reciclado, velas naturais…
Comunidade Xogamos en tribo
Xogos tradicionais, xogos cooperativos de mesa, orienteering, ultimate…
Tradición Coas nosas mans
Bricolaxe, tear, olaría, cestaría, cociña…

Horarios

Campamento

Entrada ás 09:00 h e saída ás 14:00 h.

Servizos de conciliación

Madrugadores: de 08:30 h a 09:00 h.
Comedor: de 14:00 h a 16:00 h. Menús equilibrados e estacionais, con alimentos frescos de calidade e de proximidade.