Propostas educativas: Fíos de comunidade

Cales son as nosas propostas?

Fíos de comunidade ofrece a posibilidade de crear redes interprofesionais que fortalezan e complementen a educación na primeira infancia.

A través de propostas estacionais, buscamos ofrecer un espazo para pararnos e disfrutar do cambio estacional, permitindo vivir e sentir a maxia e a beleza que cada época do ano ofrece.

Propostas deseñadas para fomentar a conexión entre docentes, infancia e familias, enriquecendo a práctica educativa e creando unha rede educativa.

Esencia

Senlleira destaca pola súa mirada pedagóxica, comprometida coa infancia, os seus valores e necesidades, entendendo o respecto como o motor principal de calquera aprendizaxe. Dende este lugar, establecemos catro valores fundamentais que guían as nosas propostas: Tradición, Comunidade, Sostibilidade e Expresión Creativa.

Compromiso

Buscamos ofrecer experiencias educativas que non só respeten e revaloricen o entorno cultural e natural, senón que tamén fomenten unha aprendizaxe integral e colaborativa que perdure no tempo e xere un impacto positivo en cada quen.

Obradoiros estacionais

Ofrecemos un camiño de aprendizaxes vivenciais que celebran o noso entorno cultural e natural e o noso ser, inspirando e empoderando aos nenos e nenas, fomentando un presente e futuro cheo de beleza, cooperación e impacto positivo duradeiro. Propostas flexibles e personalizadas, acordes a cada proxecto educativo: cóntanos o que buscades!